Kuch duur saath chalo...

Kuch duur saath chalo uss mod tak hee,
Jab wo mod aaega main bataunga hi nahi..

Chalta rahega kaarwaan baaton ka nayi,
Guzar jaaenge saare mod piche hi kahin..

Kuch main kahunga kuch tum kehna,
Karlenge sab baatein kuch galat kuch sahi..

Unsuni fariyaadein jo tere dil me hai dabi,
Puri karke le aaunga teri meethi si hasi..

Dhundle sapno me bhar denge hum roshni ek nayi,
Pure honge sab armaan jo soche the kabhi..

Bas kuch duur saath chalo uss mod tak hee,
Jab wo mod aaega main bataunga hi nahi..

-Himanshi